SOULMATES (Part 1)
Magkaklase si Tim at si Lalaine sa highschool. At lihim kay Lalaine ay may pagtatangi na sa kanya si Tim noong una pa man. Pero, sa tuwing tatangkain nito na magkalapit sila ng tuluyan ay nagkakaroon ng hadlang sa pagitan nila. Hanggang magkahiwalay sila ng landas at makilala naman ni Tim si Nida. Nagkaroon ng whirlwind romance sa pagitan ni Nida at ni Tim at ipinasiya nilang magpakasal ng lihim at nagsama sila biilang mag-asawa. Hanggang sa umalis si Nida patungong Amerika, na naging daan naman para muling magkalapit si Lalaine at si Tim nang hindi sinasadya na magkrus muli ang kanilang mga landas.
Napagtanto ko na ang buhay ay parang bawi-bawi lang. Minsan, masaya ang buhay, minsan naman puno ito ng kalungkutan. Ang mga bagay na nagpapasaya sayo, siya rin minsan ang nagbibigay sayo ng kalungkutan. At minsan naman, ang mga naghatid sayo ng hapis at panimdim, sa dulo naman, ay naghahatid ng mga kagalakan.
Malapit sa akin ang mga babae. Hindi ko alam kung bakit. Hindi naman ako magandang lalaki. At hindi rin maganda ang height ko. Pero, magmula ng nagka-isip ako, natatandaan kong napapaligiran na ako ng mga babae- sa literal na kahulugan nito. Labing isa kaming magkakapatid. Hindi pa uso kasi noon ang pagpaplano ng pamilya, at parehong bata pa ang tatay at nanay ko ng magtanan sila. At ako ang bunso at nag-iisang lalaki.
Maging sa mga kalaro ko sa aking kamusmusan, mas nakakahigit ang mga babae kong kalaro kaysa sa mga kalalakihan. At kadalasan, ako ang ginagawang laruan ng mga kalaro kong mga babae. Pakiramdam ko ay natutuwa ang mga ito na paglaruan ako.
Simula ng matuto akong bumasa at sumulat, nakahiligan ko ang pagbabasa. Kahit ano ay binabasa ko. Naalala ko ang katuwaan ng tatay ko ng basahin ko sa kanya ang nakasulat sa bote ng softdrinks na hawak ko. Anim na taon pa lang ako, at natanggap na ako sa grade one. " Ko-ki, ma-di in da pi-li-pi-nis, reg-pil-pat-op" basa ko sa label ng bote. Naalala ko na tuwang-tuwa na niyakap ako ng tatay ko.
" Nene marunong ng bumasa si bunso! " Pahiyaw na pagbabalita ng tatay ko kay nanay. At pinagkalumpunan ako ng mga kapatid ko, at pinaulit sa akin ang basa ko sa naka sulat sa bote ng softdrinks. Mahinang kutos sa ulo ang inabot ko mula sa pinakamatanda kong kapatid.
" Cok...
What's Your Reaction?
Due to the nature of this site, you must be logged in to react.
